اكيد كل واحد فينا حاول يدرب كلبه اكتر من مرة لوحده و
مع مدرب محترف لان كلب مش متدرب مشاكله كتير زى الطفل الى مدخلش مدرسة فكلنا
عارفين ان كلب مدرب هو حلم اى حد بيربى كلاب ننجح مرة و نفشل مرة لكن لازم نكون فى
منتهى الصبر .
هنا بقى هقولكم على افضل طرق تدريب الكلاب و الى نصح
بيها اهم المدربين فى العالم ممكن تستخدم احدهم او اكتر و هتلاقى موضوع التدريب
اسهل بكتير و هتلاحظ الفرق المذهل .
1- التعزيز الإيجابي
باختصار هو بيعتمد على المدح و التريت و الكليكر لما
تدرب كلبك على حاجه معينة بتكافؤه على فعله الايجابى حتى لو بكلمة مدح او صوت
الكليكر هيفهم ساعتها انه عمل حاجه كويسة و هيكررها كل ما يسمع الامر و طبعا
الموضوع ده بينجح جدا مع الاوامر الصغيرة زى اقعد تعالى نام اثبت و هكذا و طبعا
الفعل الغلط ممعهوش اى مدح او مكافأة و شوية شوية بنقلل المكافأت و بنعتمد على
المدح فقط لحد ما نبطلها خالص.
2- التدريب العلمى
و ده بيعتمد اكتر على دراسة الكلب و سلالته و الحجات الى
بتحبها السلالة دى و بيعتمد على العلاقة بين الكلب و صاحبه و بيكون مفيد جدا فى
حالة قررت تمشى بالكلب اوف ليش لان الكلب بيبقى فاهم انه هو موضوع صعب و علمى اكتر
و بيقوم بيه بعض المدربين المحترفين.
3- الكليكر
و ده عبارة عن الطقطيقة بتاعة زمان بنسمعها للكلب لو عمل
حاجه كويسة و فيه ناس بتستبدلها باى ولاعة بايظة عادى يسمعها الكلب مع تريت يعرف
ان الصوت ده مرتبط بحاجه كويسة عملها فيه ناس كتير بتستبدلها بكلمة جود بوى مثلا
او برافو لكن لان صوت الكليكر مميز فبيفهمه الكلب اسرع و ليها نتيجة جيدة جدا مع
الجراوى الصغيرة.
4- التدريب بالطوق
الكهربائى
ده عبارة عن طوق بيدى شحنة كهربائية خفيفة بتضايق الكلب
و بيبقى مفيد جدا لما تكون عايز تقوم سلوك معين عند الكلب او حاجه بيعملها غلط لان
الغلط عنده بيرتبط بشحنة كهربائية فبيبطل الغلط ده .
المدربين الى بيستخدموا الطوق ده بيقولوا انه مفيد جدا و
غير مضر و مفيد فى المسافات لكن فيه غيرهم بيفضل استخدام الخناقة و هى بردو بتوجع
الكلب و بتفهمه ان الى عمله ده ادامه الم او عقاب .
5- التدريب بالنماذج
المنافسة
و الطريقة دى بيكون هناك مجموعة من الكلاب و فيه كلب
مدرب كويس و بنديله الاوامر و تنفيذها بيكون مقابل مدح و تريت و عدم تنفيذها او
عمل غلط بيكون فى مقابله عقاب و الكلاب بتشوف النموذج ده و بتحاول تقلده.
6- التدريب بالكلب
الالفا او الكلب المسيطر
و ده بيعتمد على غريزة الكلاب ان بيبقى فى المجموعة كلب
مهيمن هنا بقى صاحب لكلب هو الى بيكون الالفا او المهيمن مش الصاحب بيعتمد انه
بيخلى فيه فرق و احترم بينه و بين كلبه يعنى ميقعدش معاه على العفش يستنى جنبه و
هو بيحضر الاكل و ميمدش ايديه فى الاكل الا بعد ما ياخد اذنه و هكذا بس عيب
الموضوع ده ان الكلب مش هيسمع غير كلام الشخص ده فقط و ممكن يكون مؤذى لاى شخص اخر
او طفل.
7- التدريب القائم على
العلاقة
و ده بيعتمد على تفاهم تام بينك و بين كلبك و ساعتها هو
بيحب ينفذ اومرك و انت بتفهم امتى منفذش الاوامر و ليه و لو عمل حاجه غلط بيعرف
انك اتضايقت منه سيبته مثلا بس صعوبة التدريب ده ان لازم تقعد مع كلبك اطول فترة
ممكنة و ساعتها هو هيفهم طبعك و هتفهم طبعه.
ادوات تدريب الكلاب الاكثر شعبية فى العالم
كل الى فات دى طرق لتدريب الكلب فيها الى محتاج مدرب
محترف و فيها الى تقدر تنفذه بنفسك و ممكن تعمل كوكتيلك الجميل بين بعض الطرق و
بعضها لكن مش ممكن مثلا تنفذ موضوع الهيمنة مع العلاقة لانهم مش زى بعض لكن بتختار
الى يتناسب معاك و مع ظروفك و وقتك و يتناسب مع كلبك .
ادوات تدريب الكلاب الاكثر شعبية فى العالم
يسعدنا
دوما الاجابة على اى استشارات او استفسارات خاصة بالحيوانات الاليفة عبر تطبيق egy pets او موقعنا او من خلال مواقع التواصل الاجتماعي فيسبوك انستاجرام يوتيوب او الواتساب.
لو عجبك المقال لايك و تاج لمن يهمه الامر و
شير و كومنت صغير عشان يوصل لاكبر عدد من الناس.
و مش
هنسى اقولكم لو بتدوروا على اكاديمية تدريب كويسة او طبيب بيطرى او محل قريب منك و
لقراءة المقالات السابقة و متابعة المقالات الجديدة برجاء التكرم بتحميل
تطبيق egy pets من متجر جوجل او
اب استور او لتحميله :
اضغط
هنا
او من خلال موقعنا :
https://www.egypetsapp.com
#تطبيق_ايجى_بتس
#اليفك_بيحبك
#egy_pets
#تطبيق_ايجى_بيتس
تطبيق كلاب وقطط فى مصر تطبيق تزاوج كلاب و قطط اول برنامج للحيوانات
الاليفة فى مصر
تطبيق كلاب وقطط فى مصر - تطبيق يساعد على تربية الكلاب
- تطبيق للحيوانات الاليفه فى مصر
