طبعا فيه مليون نوع كلب بمليون شكل و صنف و نوع طب هل
كلهم بيشوفوا زى بعض .
الاجابة الى اتفق عليها كل العلماء ان كل الكلاب بلا
استثناء ليها نفس القدرة على الرؤية الليلية و طريقة رؤيتهم للالوان و الابعاد
متشابهة لكن مش كلهم زى بعض .
اقرأ ايضا عن 6 اشياء
تجعل كلبان أفضل من كلب
هقولك بقى يا سيدى الفرق فين لو الكلب الى ملوش بوز و
عيناه متقاربة زى البيتبول مثلا ده بيبقى عنده بعض التداخل فى الرؤية عن الكلب الى
له بوز و عينيه متباعدة زى الجيرمن مثلا .
و حاجه كمان طبيعة الكلب و نشأته بتفرق يعنى الكلاب
الجبلية او كلاب الصيد بتشوف البعيد افضل من القريب و ده منطقى جدا.
اقرأ ايضا عن حقيقة
مذهلة عن حاسة الشم لدى الكلب
الحتة الى جاية دى بقى مهمة الانسان عنده قدرة فى عينه
انه يرى تفاصيل ادق من الكلاب لكن الكلب عنده قدرة ان يدرك الاشياء الصغيرة
المتحركة من على بعد 50 متر و دى هتبقى صعبة على الانسان بمعنى ان الى انت تشوفه
بوضوح على بعد 20 متر و تقدر تشوف تفاصيله كلبك هيشوفه بردوا بس مش هيشوف التفاصيل
الدقيقة لكن لو بعدنا ل75 متر و فيه قطة صغيرة بتتحرك كلبك هيرصدها و انت مش هتكون
شايفها اصلا.
اقرأ ايضا عن الاسباب التى تجعل تربية الكلاب افضل من
تربية القطط
طب الكلاب بتشوف فى الظلمة؟
فىيه ناس كتير بتعتقد ان القطط نظرها افضل من الكلاب فى
الرؤية الليلية لكن الحقيقة ان الاثنين تكوين عنيهم شبه بعض جدا و مبدئيا كده احب
اضيف لمعلومات حضرتك ان الكلاب ممكن تكون بتشوف فى الظلمة اكثر من النور .
اقرأ ايضا عن
أنا وستارك
هل كل سلالات الكلاب ترى بنفس القدرة و الشكل؟
الكلاب و القطط عندهم قدرة رؤية ليلية قوية جدا و يقدر
ذلك بانها ترى فى الظلام افضل خمس مرات من البشر ايوة احسن منك خمس مرات و ده بفضل
التكوين الى ربنا خلقه لها و الى بيخليها تشوف اقل شعاع ضوء مش بس كده لو حضرتك
بصيت فى عينيها فى الظلمة هتشوفها منورة و ده بسبب حاجه زى المرايا فى عنيها
بيساعدها تشوف فى الظلمة اسمها tapetum المراية دى دورها تجمع الضوء فى
نطاق الرؤية بتاعتها عشان تشوف فى الظلمة.
اقرأ ايضا عن نباح الكلب و التغلب عليه
حتة بقى زيادة الكلاب بتشوف الالوان ازاى ؟
كلنا عارفين ان الانسان و الكلاب بيروا العالم بطريقة
مختلفة لدرجة ان كان شائع ان الكلاب عندها عما الوان و بتشوف الدنيا ابيض و اسود .
اقرأ ايضا عن ازاى اخلى كلبى يحبنى؟
الحقيقة بقى الى هفجأك بيها ان الابحاث المتقدمة اثبتت
فعلا ان الكلاب عندها خلل فى رؤية الالوان بس بتشوفها مش مبتشوفهاش لكن طبعا غير
رؤية الانسان لها مشكلة الكلاب تقتصر فى حدود اللون او نطاقه بيصعب عليها تحديده
زى البشر باختصار الكلاب بتشوف كويس الاصفر و الازرق و البنفسجى اما الاحمر و
الاخضر و البرتقالى مش بتشوفهم بوضوح او بتشوفهم على شكل طيف متخلله الاصفر و
الازرق.
اقرأ ايضا عن
انقذ كلبى
لو عجبك المقال لايك و تاج لمن يهمه الامر و شير و كومنت صغير عشان يوصل لاكبر عدد من الناس .
هل كل سلالات الكلاب ترى بنفس القدرة و الشكل؟
او من خلال موقعنا :
#تطبيق_ايجى_بتس
#اليفك_بيحبك
#egy_pets
تطبيق كلاب وقطط فى مصر تطبيق تزاوج كلاب و قطط
اول برنامج للحيوانات الاليفة فى مصر
تطبيق كلاب وقطط فى مصر - تطبيق يساعد على تربية الكلاب - تطبيق للحيوانات الاليفه فى مصر