ما يجب ان تعلمه قبل تدريب اليفك على الحمام
موضوع الحمام ده هو الكابوس الى بيزعج مربى الحيوانات
الاليفة و كل املهم ان اليفهم يتعلمه بسهولة لكن للأسف فيه حاجات لازم هما يفهموها
الاول قبل البدئ فى تدريب اليفهم على الحمام.
طبعا تدريب الجرو الصغير اسهل بكتير من تدريب كلب كبير
لكن تدريب كلب كبير مش مستحيل لكن هيحتاج مجهود اكبر .
و احنا هنا زى ما اتعودنا
هنحاول نبسط الموضوع عشان يبقى سهل و يفيد كل واحد بيربى كلب او قطة .
اولا يجب الامساك بهم وقت العمل مش لما ترجع تلاقيه عمل
فتزعقله و تشممه و تضربه و الكلام ده لان الكلام ده مش هيفيد خالص لازم فى وقتها و
مش بعده و لا حتى بوقت قليل.
ثانيا التحفيذ الايجابى لو عمل فى المكان المطلوب بيأدى
لنتائج جيدة جدا و تستمر طويلا سواء كان التحفيذ ده بطبطبة او بتريت او غيره او
حتى كلمة مدح من الى معود كلبك عليها.
ثالثا الكلاب لا تشعر بالذنب من الفعل ده حتى لو مثلوا
عليك انهم مكسوفين او مضايقين لانه ببساطة مش هيفهم من زعيقك انك مضايق لكن هيحاول
يتجنب النظر المباشر لعينك و يهرب من زعيقك من غير ما يفهم انه غلط لكن ممكن يفهم
انه لما عمل فى المكان الصح خد مكافأة و هى دى الطريقة الصح.
رابعا اذا كان عايش معاك فى الشقة و المفروض يعمل بره
يبقى شرب الماء قبل النوم مباشرة يعنى انه هيقوم بليل يعمل فى اى حته و ده طبيعى
زينا كبنيادمين .
خامسا بما ان اى حاجه بياكلها او بيشربها لازم يخرجها
يبقى حضرتك هتحتاج تثبت مواعيد الاكل و نوعه لفترة اسبوع على الاقل مع مراقبته و
اول ما تعرف موعد عمايله تاخده و تخرج عشان يعمل بره غير كده عمره ما هيتعلم يعمل
بره .
سادسا سوا الجو برد او حر لازم حضرتك تحضر نفسك للخروج
بيه لانه مش هيخرج لوحده يعمل و لازم حضرتك متكسلش لو يوم راجع من شغلك تعبان مثلا
لان لو الموضوع بالنسبالك ممكن اه و ممكن لا بالنسباله هو لازم يعمل .
سابعا مفتاح نجاحك فى تدريب كلبك هو الثبات يعنى الكلب
بيحب الروتين فى الموضوع ده و سيادتك بتحضرله الاكل بتكون مجهز نفسك للخروج و ده
زى ما قلنا فى معاد ثابت غير كده مفيش فايدة.
ثامنا الكلاب ليها علامات مميزة لما تعوز تعمل مثلا هيروح
ناحية الباب او هيستخبى او يقعد يلف حولين نفسه مطلوب من سيادتك بقى تلاحظ العلامة
الى بيعملها كلبك و تاخد بالك منها و تعرف ان دى معناها يلا عايز اخرج اعمل يعنى
المشكلة مشكلتك مش مشكلته.
تاسعا الكلب مش ماكينة لما تعلمه حاجه يبقى خلاص الدرس
خلص يعنى من الوارد انه يغلط و يعمل فى اى حته و ده مش معناه ان حضرتك تضايق ان
تعبك راح هدر و لا تزعقله لان هو كده كده بيكون مضايق انه غلط و كسر الروتين بتاعه
كل المطلوب من حضرتك انك تراقبه تانى عشان تتأكد ان الموضوع ده ميتكررش كتير لانه
لو اتكرر فى فترة وجيزة معناه ان حضرتك محتاج تاخده و تزوروا البيطرى لان ممكن
يكون عنده التهاب معين او اى مرض منعه انه يمسك نفسه.
عاشرا رغم ما يبدو ان الموضوع غلس الا انى احب اطمن
حضرتك الكلاب بتتعلم الموضوع ده اسهل من الانسان يعنى لو دربت كلبك هتلاقى الموضوع
اسهل بكتير من انك تعود ابنك انه ميبلش هدومه و فى وقت اقل بكتير.
اقرأ ايضا عن تدريب
الكلاب على دخول الحمام
ما يجب ان تعلمه قبل تدريب اليفك على الحمام
لو عجبك المقال لايك و تاج لمن يهمه الامر و شير و كومنت صغير عشان
يوصل لاكبر عدد من الناس .
ما يجب ان تعلمه قبل تدريب اليفك على الحمام
و مش هنسى اقولكم لو بدوروا على اكاديمية تدريب كويسة او طبيب بيطرى
او محل قريب منك و لقراءة المقالات السابقة و متابعة المقالات الجديدة برجاء
التكرم بتحميل تطبيق egypets من متجر جوجل او اب استور او تحميله من الرابط التالى :
لتحميل التطبيق
او
من خلال موقعنا :
#تطبيق_ايجى_بتس
#اليفك_بيحبك
#egy_pets
تطبيق كلاب وقطط فى مصر تطبيق تزاوج كلاب و قطط
اول برنامج للحيوانات الاليفة فى مصر
تطبيق كلاب وقطط فى مصر - تطبيق يساعد على تربية الكلاب - تطبيق للحيوانات الاليفه فى مصر