الجيرمن شيبرد German Sheppard

by egy petsegypets •



الجيرمن شيبرد German Sheppard 


نحكيلكم النهارده حدوتة الجيرمن شيبرد واحد من اشهر الكلاب فى العالم و اكثرها مرافقة للبشر .
تجد الجيرمن شيبرد مشترك فى كل القوائم يعنى 

يعنى من الاخر كلب لكل المهام و يصلح لجميع الاغراض مما جعله احد اكثر سلالات الكلاب انتشارا هذا العام و كل عام .
من الاول كده لازم تعرفوا انى متحيز جدا للجيرمن شيبرد و انه كلبى المفضل فاى مبالغة تطلع منى سامحونى فيها .


لما نتكلم على الجيرمن شيبرد

يبقى بنتكلم عن كلب له تاريخ
موطنه الاصلى المانيا من القرن التاسع عشر لكنه انتشر فى العالم كله ليصبح احد اشهر الكلاب.
واحد من اذكى الكلاب فى العالم
و واحد من اشرس الكلاب وقت الجد
فوق ده كلب حنين جدا و صاحب صاحبه جدا.
كل الى تتمناه فى كلب من قوة و ذكاء و وفاء
صاحب كرامة الموت عنده اهون من انه يتهان.

اقرأ ايضا عن كلاب الكانجال


الجيرمن شيبرد German Sheppard 

بالنسبة لحجمه و وزنه تكوينه الجسمانى و العضلى مناسب و قوى جدا كمان.
شجاعته بتخليه بيخش اى معركة مع اى كلب ميهموش الحجم و لا الطول و لو لقى فيه فرق فى القوة بيستخدم ذكاؤه و يراوغ يهجم و يبعد لحد ما يتعب خصمه و فى الاخر يهجم الهجمة القاضية.

اقرأ ايضا عن الدنواه




كلب لو اتدرب صح و صاحبه مكسرش شخصيته فى الصغر بيطلع كلب رهيب و جميل و مبيخافش .
صاحب ثقة بالنفس لانه حفيد ابطال و مين فينا ميعرفش فيجاس.
يصلح لكل انواع التربية يعنى عايزه جليس اطفال ميقولش لا يقعد فى منزل تمام حديقة شغال هتستعمله فى حراسة اطمن هو حارس شجاع و امين اعمال بوليصية و ذكاء و لا اروع مهام قتالية و جيش هيبهرك يرعى الغنم طبعا شغله الرئيسى و اقولك كمان عايزه منقذ فى البحر هو سباح ماهر غير انه مرافق للعجائز و رفيق لذوى الاحتياجات يعنى يصلح لكافة الاغراض.
الجيرمن شيبرد German Sheppard 

اقرأ ايضا عن  فيلا برازيليرو




هناك الكثير من الحكايات عن كلاب جيرمن شيبرد البطولية في تاريخ هذه السلالة، واحد منهم هو فيلكس من ليوانو، وقد تم تكريمه في وستمنستر في عام 1917 لانقاذه 54 جنديا جريحا إلى بر الأمان في الحرب العالمية الاولى .
 لو اول مرة تربى كلب و محتار تجيب ايه اول حاجه تفكر فيها هو الجيرمن شيبرد لان سهل التعامل معاه جدا طبعا ده فى حالة انك هتجيب جرو صغير و لو عندك خبرة قوية بالكلاب لازم تفهم انه كلب ذكى مش سهل زى ما قولتلك و صاحب شخصية لازم تسيطر عليه .
من ناحية الذكاء حدث و لا حرج واحد من اذكى الكلاب فى العالم مش بس كده ده اذكى كلب حراسة.
من الاخر كلب لطيف جدا و شقى و شرس و شجاع و وفى و فيه كل ما تتمناه .

نخش بقى فى الموضوع
يعتبر الراعي الألماني بشكل عام أكثر السلالات شعبية في العالم.
 حلم كثير من الناس بمثل هذا الكلب

 متوسط الطول بجسم ممتد قليلاً وعظام جافة.
واحد من الكلاب قوية.
تتحرك كلب جيرمن شيبرد بخطوات تشبه الهرولة أو المشي البطئ الثابت المستعد للحركة والقنص في أي لحظة لذلك فهو قادر على التحول من المشية العادية للركض والجري السريع في ثوان معدودة.

اقرأ ايضا عن متوسط اعمار الكلاب


كما أن أهم معلومات عن كلاب الجيرمن شيبرد German Sheppard  أنها تتمتع بجسد صلب وشاهق عند الجلوس فتبدوا هذه السلالة كالصخرة الصلبة عند الجلوس مع تمتع جسمها بانحناءات رشيقة تضفي عليها المزيد من الرونق والشموخ.
الوانه من اول الابيض لحد الرويال بلاك مرورا بالبلاك كوت.

اقرأ ايضا عن كلب جولدن ريتريفر

شعره فيه منه لونج هير و مديم و شورت هير .
ودانه على شكل 11 و بتقف طبعا لو مفيش عيب فى العصب بتاعها او اتكسرت و هو صغير.
الفم والأنف محددين باللون الأسود وتتنوع درجة اللون الأسود فهناك الأسود الداكن تماما وهناك الفاتح قليلا لكن يجب أن يكون الفم محدد باللون الأسود كصفة قياسية للجيرمن شيبرد.

عضة كلاب الجيرمن شيبرد German Sheppard  تحمل 238 رطل من القوة ، وعضة الإنسان لديها فقط 86 هى طبعا مش اقوى عضة كلب لكن هى عضة قاتلة .
يتراوح عمره من 9 الى 13 سنة.
 يتراوح وزن الذكور بين 30-40 كجم ، الطول - 60-65 سم ،
والإناث تزن حوالي 22-32 كجم مع طول حوالي 55-60 سم.
يتميز كلب الراعي الألماني انه يتنفس الثقة ، احد الكلاب القوية للغاية ، يحب الدفاع عن أسرته ليس مدى الحياة ، ولكن من أجل الموت.

لكي ينمو جرو الكلب مطيع ، سيكون مخلصًا لعائلته ، يجب على المالك إثبات أنه قائد ويستحق احترام حيوانه الأليف. وهذا يتطلب قوة الروح والصفات الأخلاقية الإيجابية. ،وهذا الوضع يتطلب تأكيد دوري. لكننا لا نتحدث عن المواجهة المستمرة ، ولكن فقط عن موقف جاد تجاه القضايا التعليمية والتدريب.

و هو باختصار أليف ممتاز للأشخاص النشطين والمتحمسين. يمكن أن يكون الكلب مساعدًا لا يقدر بثمن ، أو مجرد صديق ورفيق. لكنها في الوقت نفسه لن تتوقف عن حماية أسرتها وحمايتها بطبيعة الحال.

اقرأ ايضا عن كلب السامويد





طب ايه موضوع الشو لاين و الورك لاين ده.

 الكلب الشولاين ده طفرة جينية رباني من غير تدخل من البشر .
شكل الظهر المائل يجب أن يكون الميل معتدل ويضيف شكل جمالي للكلب وينبع من العضلات وليس العمود الفقري فقط.

كعب القدم للكلب جيرمن شيبرد (العراقيب) يكون على شكل زاوية قائمة وثابت على الأرض وذو قياسات متساوية من الجانبين. وعند النظر من الخلف نلاحظ أنها متساوية ومتوازية غير منحرفة للداخل أو الخارج.
ذيل الجيرمن شيبرد يحتوي على شعر أكبر من باقي الجسم وبالأخص عند طرف الذيل، كما يكون مستقيما ويصل إلى منتصف العرقوب كعب القدم.
الكسحة لما بدأت تظهر الألمان بدأو يدرسوها و يشوفوا الكلب ده إيه إللي حصل فيه
لقوا الكلاب ديه سرعتها زادت بسبب أنا أرجلهم الخلفية بتحصل الأرجل الأمامية زي الفهد و هو بيجري عشان ظهره بقى قابل للإنحناء

اقرأ ايضا عن كلب البوكسر


و منسوب القفز زاد لأن شكل الفخذ اتغير و بقى عامل زي السوستة
سرعة الالتفاف زادت و توازن الكلب أثناء الدوران بقي افضل عشان طول الذيل
طبعا الناس بقت تجوزها من بعض عشان يأكدوا على المواصفة ديه
و بالتالي ظهرت أمراض وراثية موجودة أصلا عند الكلاب الجيرمن شيبرد
لأن المرض ده و هو عبارة عن تأكل في مفصل الحوض
بيتعرض ليه فصائل كتير من الكلاب إللي حجمها كبير زي الروت ويلر و السانت برنار و الجريت دان و الجيرمن طبعا واحد من الأنواع ديه

اقرأ ايضا عن كلاب لابرادور


الكسحة تكوين كامل للهيكل العظمي مش مجرد عرقوبين نايمين على الأرض و ظهر مقطوم
خليك فاكر كويس إن الكلب الجيرمن كلب قوي البنية و ذو شخصية قوية على مر العصور و على اختلاف مراحل تطوره
و إن الكلاب الورك لاين  نقدر نقول عليه إنه موديل قديم و الشو لاين ده موديل أحدث مش نوعين مختلفين ولا حاجة .

اقرأ ايضا عن كلب الهاسكي



للأسف الشديد احنا كمصرين طبعا حطينا التاتش بتاعنا عليه كالعادة فهتلاقى ناس بتبيع جيرمن اقرب للبلدى و يقولك تقليب متوسط و تقليب شعبى و كلام فارغ و بيبيعه باقل من الف جنيه و دى حاجه كويسة لان الى بيفهم مش هيشتريه لانه بعد سنة واحدة هيتكسف يمشى بيه فى الشارع لكن المشكلة فى بعض الناس الى عايزة تشترى كلب و شافله فيديوهين و عاملة فاهمة و ده بيضحك عليه بسهولة جدا لان الجرو مش سهل تعرف درجة نقاؤه الا لو شفت الاهالى و فى الغالب مبتشوفش الاب فنصيحة حاول تشترى من شخص مضمون و دول كتير متقلقش لكن مش هيبقى رخيص هيبقى غالى و فى الحالة دى الغالى ثمنه فيه.
طبعا الورك لاين ارخص ده مش معناه انه اوحش لا بالعكس يمكن الورك لاين يكون اقوى و نفسه اطول من الشو لاين بس الشو لاين هو الموديل الحديث زى ما قولنا.


اقرأ ايضا عن بريسا كناريو


لو عجبك المقال لايك و تاج لمن يهمه الامر و شير و كومنت صغير عشان يوصل لاكبر عدد من الناس.



و مش هنسى اقولكم لو بدوروا على اكاديمية تدريب كويسة او طبيب بيطرى او محل قريب منك و لقراءة المقالات السابقة و متابعة المقالات الجديدة برجاء التكرم بتحميل تطبيق egypets من متجر جوجل او اب استور او تحميله من الرابط التالى :

لمتابعة المقالات الجديدة و قراءة المقالات السابقة من التطبيق الاول لمحبى الحيوانات الاليفة فى مصر #تطبيق_كلاب_قطط

لتحميل التطبيق 






او من خلال موقعنا :



#تطبيق_ايجى_بتس
#اليفك_بيحبك
#egy_pets

تطبيق كلاب وقطط فى مصر تطبيق تزاوج كلاب و قطط اول برنامج للحيوانات الاليفة فى مصر

تطبيق كلاب وقطط فى مصر -  تطبيق يساعد على تربية الكلاب -  تطبيق للحيوانات الاليفه فى مصر


Tags:
أحدث أقدم