تعمل ايه لو كلبك اتخانق مع كلب تانى ؟

by egy petsegypets •

تعمل ايه لو كلبك اتخانق مع كلب تانى ؟

بتحصل كتير انك تكون خارج بكلبك فى الشارع اوفى حديقة و تحصل خناقة بين الكلاب خصوصا فى التجمعات فيه كلاب مبتقبلش بعض و كل كلب بيبقى عايز يفرض سيطرته و خصوصا لو قوى و المشكلة الاكبر بقى بتبقى لو كان صاحب الكلب الضخم مريض نفسيا و عايز يتفرج على خناقة او يشوف كلبه بيضرب كلب و يجرب قوته لكن احنا هنا هنتكلم فى الطبيعى.

إذا كنت خارج المنزل مع كلبك حاول الانتباه له كما يجب أن تستعد لتغيير مسارك إذا لزم الأمر  و ده لتجنب الخناقة .
تعمل ايه لو كلبك اتخانق مع كلب تانى ؟

طب الكلاب هتتخانق ليه ؟
اول حاجه طبعا فرض السيطرة و خصوصا لو بين دكرين او نتايتين و المشكلة الاكبر لو فيه نتاية و الدكرين عايزين يكسبوا ودها .

لكن ممكن الخناقة تبقى بسبب اكل او لعبة او حركة فى وسط لعب يعنى زى خناقات الاطفال فى المدارس و دى حلها بيبقى اسهل.

تعمل ايه لو كلبك اتخانق مع كلب تانى ؟
 طب اعمل ايه بسرعة ؟
طبعا لازم نفهم ان مش كل الكلاب زى بعض يعنى الى هيمشى مع الجولدن او الهاسكى مش هيمشى مع الروت او البيتبول غير كده تربية الكلب نفسها بتفرق هل بيسمع الكلام او متدرب كويس و لا غبى و خلاص.

مبدئيا كده خلى بالك من نفسك لان ممكن لو حاولت تتدخل تتعور او تتعض حتى من كلبك الى ممكن ميبقاش شايفك وسط الخناقة
و طبعا لازم تتصرف بسرعة قبل ما الكلاب تعور بعض وحتى نستطيع الخروج من الصراع بأمان وبدون خسائر.

اقرأ ايضا عن ازاى  تعاقب كلبك


هنقول هنا طريقة سهلة و مؤثرة جدا لان فيه ناس بتتعامل غلط سواء بتزعق للكلب او تضربه و ده ممكن يوتره اكتر او يغضبه و تكون نتيجته عكسية .

اول حاجه هتلاحظها ان الكلاب بتتخاطب بلغة الجسد يعنى الخناقة لازم هيكونلها مقدمات و استعدادات للبدء ساعتها ممكن تحط كمامة لو معا كاو تاخد كلبك و تبعد بس خلى نبرتك فى الكلام هادية و ساعتها هتبقى حليت المشكلة قبل حدوثها.

تعمل ايه لو كلبك اتخانق مع كلب تانى ؟
لكن لو الشجار ابتدى خلاص هتعمل ايه؟
وإذا استطعت أن تكسر هذا التركيز وتجذب انتباه الكلاب إليك سوف تتمكن من فض عراك الكلاب بسهولة يبقى لازم تشتت انتباه الكلب و انت بتكلمه بهدوء ممكن ترش عليهم مية او ترمى عليهم قطعة قماش او بطانية مثلا و ممكن تعمل صوت عالى اوى يشتت الكلبين بس عالى اوى ده مش يعنى زعيق ده يعنى كلاكس عربية او الخبط على صفيحه جامد و لو معاك صندوق او كرتونه و رميتها على كلب فيهم تبقى كده خلصت الموضوع خالص مع العلم ان وقت الخناقة اى اوامر الكلب مش هيسمعها اساسا لانه بيبقى مركز جدا لانه عارف ا نده ممكن يكون صراع بقاء و عارف ان غريمه حريص انه يعضه او و ممكن لاكتر من كده يعنى الاوامر الى سيادتك مدرب عليها كلبك تعالى و ثابت و الافلام دى بنسبة كبيرة مش هتنفع.


طب الحمد لله الخناقة خلصت على خير هتعمل ايه بقى خد كلبك بعيد عن الكلب التانى و هديه لانه هيكون متوتر و كلمه بهدوء و ثقة عشان ينتبهلك و يهدى شوية و بعدين افحصه كويس من راسه لذيله شوف حصله ايه من جروح او اصابات و عالجها بسرعة و عالجها دى معناها مطهرات زى البيتادين و تروح للبيطرى فورا يطمنك على كلبك و خصوصا لو كان الكلب التانى متعرفوش و لا تعرف اصله و لا تعرف امراضه.

تعمل ايه لو كلبك اتخانق مع كلب تانى ؟
لو عجبك المقال لايك و تاج لمن يهمه الامر و شير و كومنت صغير عشان يوصل لاكبر عدد من الناس

و مش هنسى اقولكم لمتابعة المقالات الجديدة و قراءة المقالات السابقة من التطبيق الاول لمحبى الحيوانات الاليفة فى مصر #تطبيق_كلاب_قطط
و  لو بدوروا على اكاديمية تدريب كويسة او طبيب بيطرى او محل قريب منك و لقراءة المقالات السابقة و متابعة المقالات الجديدة برجاء التكرم بتحميل تطبيق egypets من متجر جوجل او اب استور او تحميله من الرابط التالى :


لتحميل التطبيق 






او من خلال موقعنا :



#تطبيق_ايجى_بتس
#اليفك_بيحبك
#egy_pets

تطبيق كلاب وقطط فى مصر تطبيق تزاوج كلاب و قطط اول برنامج للحيوانات الاليفة فى مصر

تطبيق كلاب وقطط فى مصر -  تطبيق يساعد على تربية الكلاب -  تطبيق للحيوانات الاليفه فى مصر


Tags:
أحدث أقدم