الحمل عند الكلاب (الحلقة الثالثة)
ولادة الكلبة
كل الكلام الى هقوله ده ممكن يحتاج متخصص او طبيب بيطرى و ده افضل طبعا
بس انا هحاول اشرحها بطريقة بسيطه .
في كلاب بتولد لوحدها بس احنا هنا هنتكلم عن الكلاب اللى محتاجه
مساعده او اول مره تولد طب اعرف منين انها هتولد ؟ هتلاقى الكلبة انقطعت عن الاكل و
بتقوم بتنظيف نفسها للتجهيز للولادة.
طب ايه العلامات الى هتدل على قرب موعد الولادة؟ هتلاحظ ان الكلبة متوترة
و عمالة تلف حولين نفسها و مش عارفة تعمل ايه.
اقرأ ايضا عن اشهر 10 خرافات عن اليفك
طب اعمل ايه ؟ جهز نفسك بقى و يكون معاك فوطه نظيفة ناشفة و جونتى طبى و مقص و خيط طبى للاستخدام عند اللزوم
و تقعد جنبها تهديها و تطبطب عليها و تطمنها.
لو حصل و الولاده كانت متعثرة او الكلاب مرضيتش تولد يبقى هنحتاج لحقنة
الطلق و طبعا بعد استشارة البيطرى لمعرفة الجرعة المطلوبة.
عملية الولادة بتاخد تقريبا ساعتين و الكلبة مش هتاكل فيهم لو لقيها قامت
تاكل اعرف انها خلصت و ممكن تتأكد ان مفيش جراوى فى بطنها و بطنها رجعت طبيعية .
الجرو بينزل بكيس الام بتاخده تنظفه و تقطع الكيس و ده الطبيعى لو الام
مقامتش بكده هتفتح انت الكيس بالمقص و تنشفه بالفوطه و اتأكد ان مفيش مية فى الانف
و تقص الحبل السرى بعيد شوية عن الجرو و اربطه بخيط صغير .
بعد التأكد من صحة الجرو تحطه قدام امه علشان تطمن عليه هنلاقيها بتلحس
فيه لكن لو لقيته حركته ضعيفة دلكله انت صدره براحه جدا .
وهكذا لحد اخر جرو.
فى حالة ان الكلبة كانت شرسة او مرضيتش تسمحلك تكون قريب منها حضرتك هتحاول
تلاحظها من بعيد و لو لاقيتها محتاجه مساعدة امسكها و اتدخل ساعتها لازم تستخدم الكمامة
لانها ممكن تعضك مفيش هزار .
لو الكلبة بتاكل الجراوى ؟ هى فعلا هتاكل الجرو الى هينزل ميت و هى بتبقى
عارفة كويس و ده طبيعى طب بتاكل السليم و ده ممكن يكون بسبب خوف او توتر هنا بقى لازم
بردو الكمامة و اربطها بعيد عن صندوق الجراوى و وقت الرضاعة هتاخد الجراوى تحطهم على
صدر امهم لما ترجع طبيعية سيبها معاهم عادى.
طبعا بعد الولاده بنضف صدر الكلبه كويس بفوطه مبلوله ونختبر اللبن فى
كل حلمه علشان نشوف لو فيه صديد ولا لأ بيكون اللبن لونه مخضر شويه واللبن لزج زياده
عن اللزوم الصديد طبعا هو عباره عن بكتيريا فى لبن الام فهندى مضادات حيويه و طبعا
ده بيبقى بعد استشارة البيطرى وهنا لازم نعزل الجراوى ونبدأ نرضها رضاعه صناعيه .
الحمل عند الكلاب
فى الطبيعى ان الكلبة هترضع ولادها لوحدها لكن فى بعض الحالات هنلجأ للبن
الصناعى زى ايه مثلا لو لقيتها مش راضية ترضع جرو انت هتقربه منها امسك كل جرو وخليه
يمسك فى صدر امه لغاية لما يشبع لحد ما يشبع و لو عدد الجراوى كتير ممكن تلجأ للصناعى
و حالات تانية كتير زى مثلا اللبن قليل او بتاكل الجراوى او الصديد زى ما قلنا .
اقرأ ايضا عن إختفاء كلاب الشوارع
طيب ايه اللبن الصناعى ده ؟ ممنوع اللبن العادى لانه خطر على الجراوى
لكن هنجيب لبن جراوى من اى صيدلية بيطرية و ممكن تستشير البيطرى عن اى نوع كويس و الرضاعة
هتكون ببرونة اطفال صغيرة .
لقراءة الحلقة الرابعة اضغط هنا
لقراءة الحلقة الثانية اضغط هنا
لقراءة
الحلقة الاولى اضغط هنالو عجبك المقال لايك و تاج لمن يهمه الامر و شير و كومنت صغير عشان يوصل لاكبر عدد من الناس.
و مش هنسى اقولكم لو بدوروا على اكاديمية تدريب كويسة او طبيب بيطرى
او محل قريب منك و لقراءة المقالات السابقة و متابعة المقالات الجديدة برجاء
التكرم بتحميل تطبيق egypets من متجر جوجل او اب استور او تحميله من الرابط التالى :
لمتابعة المقالات الجديدة و قراءة المقالات السابقة من التطبيق الاول
لمحبى الحيوانات الاليفة فى مصر #تطبيق_كلاب_قطط
لتحميل التطبيق
او من خلال موقعنا :
#تطبيق_ايجى_بتس
#اليفك_بيحبك
#egy_pets
تطبيق كلاب وقطط فى مصر تطبيق تزاوج كلاب و قطط
اول برنامج للحيوانات الاليفة فى مصر
تطبيق كلاب وقطط فى مصر - تطبيق يساعد على تربية الكلاب - تطبيق للحيوانات الاليفه فى مصر