تدريب الكلب انه يمشى جنبك

ازاى اخلى كلبى يمشى جنبى

تدريب الكلب انه يمشى جنبك حتى لو كان off lesh

اولا كده انا معترض جدا على موضوع أن حد يمشى و كلبه جنبه من غير رابط لان ببساطه الكلب ده كائن حى مش ماكينة يعنى ممكن جدا أنه يغلط أو ينفعل أو يفقد تركيزه و ممكن يشوف قطة أو طفل يجرى وراه أو يهاجمه و ساعتها هتكون النتيجة كالاتى

هتأذى طفل

و هتأذى كلبك

و هتأذى كل الناس إلى مربية كلاب زى الحملة الشرسة التى حصلت علينا

و كمان هتأذى كل الكلاب و تعلوا الاصوات بقتل الكلاب و تسميمها بلا رحمة و هيبقى السبب استهتار واحد صاحب كلب.
تدريب الكلب انه يمشى جنبك 

اقرأ ايضا عن ادوات تدريب الكلاب الاكثر شهرة فى العالم

طب نخش فى الموضوع

لازم نعرف أن مش كل الكلاب زى بعض

يعنى فيه القوى و النشيط و الى مش بيركز مش كله زى بعضه

يبقى مش هقدر نحدد وقت معين نخلص فيه التدريب لكن المتوسط بيبقى يومين تلاته ممكن لحد اسبوع

و زى ما قلنا قبل كده يعنى بردو مدة الحصة ممكن يبقى ساعة و ممكن يبقى اقل حسب ما الكلب هيزهق

و كمان يفضل تدريب الكلب و هو جرو صغير كل ما يكبر كل ما الموضوع يبقى اصعب

اول ما تخرج كلبك لازم تديلوا ربع ساعة من غير أوامر عشان بيبقى تركيزه ضعيف جدا و نشيط جدا صعب ترويضه

اقرأ ايضا عن تدريب الكلاب على دخول الحمام

بعد كده تجهز خناقة و ليش و تريت مكافأة يعنى

تخلى الكلب على شمالك و ده بيسهل التحكم فيه عشان بتمسك الليش بايدك الاتنين و ده طبعا مش قاعدة انا بحب كلبى يمشى على يمينى انت حر

رخى الليش شوية و كل ما الكلب يبعد عن ركبتك انتشه نتشه جامدة مع استخدام كلمة follow مثلا

متسيبوش يبعد خالص ولا يسبقك و لا يتأخر عنك

كل ما يفقد تركيزه و يبعد شده شدة جامدة طبعا ده هيوجعه مع الكلمة الى اخترتها مرة فى مرة كلمة follow دى هتجيبو جنب ركبتك.

تدريب الكلب انه يمشى جنبك 

دى الطريقة الاحسن فى الحصة الأولى

الحصة التانية هنعمل نفس الى عملناه بس هنزود عليه أن هيبقى فيه تريت أو مكافأة فى ايدك مبتخلصش عشان الكلب يفضل مركز على ايدك و طبعا مع تكرار كلمة follow

هتستمر بالطريقة دى و تبدأ ترخى الليش خالص و بردو لو بعد تشده جامد

لحد ما توصل أن حتى لو الليش سايب الكلب مبيبعدش عنك ابدا ساعتها ممكن تفك الليش عادى بس اكرر انا منصحكش بكده

طيب انا قلت فى الاول اننا هندرب جرو افضل لكن كل الى فوق ده يمشى على الكلب الكبير شوية بدليل اننا استخدمنا خناقة عشان تسيطر عليه و بنقول هيمشى جنب ركبتك فاحنا بنتكلم على الكلب الكبير لأنه اصعب

طب الجرو ابدأ معاه من غير ليش بطوق بس و تخلى المكافأة فى ايدك الى هو بيحبها مع الكلمة الى هتستخدمها اى كانت
تدريب الكلب انه يمشى جنبك 

اقرأ ايضا عن تعليم الجرو اسمه

اكرر الكلب مش ماكينة هتديلوا أوامر هينفذها لأنه بيفكر و بيطنش يعنى لازم الصبر و لازم تكون حازم جدا ده اولا ثانيا لازم تفكره على بالأمر كل فترة و الاهم الحرص كل الحرص عشان لو كلبك جرى ورا حد هيبهدلك بمعنى كلمة هيبهدلك .

و اخيرا احب افكرك أن القانون المصرى إلى بيحكم تربية الحيوانات الاليفه بينبه أن لازم عشان تخرج بكلبك لازم ليش و كمامة سامعنى كمامة و رخصة .

طب لو الكلب ماشى من غير ليش أو رخصة من حقهم يصادروه و لو هاجم حد ممكن يحطوه فى الحجر الصحى و ممكن يقتلوه فمفيش داعى للمجازفة و المنظرة لان مفيش حاجه مضمونة ١٠٠٪ .

تدريب الكلب انه يمشى جنبك 

لو عجبك المقال لايك و تاج لمن يهمه الامر و شير و كومنت صغير عشان يوصل لاكبر عدد من الناس.

و مش هنسى اقولكم لو بدوروا على اكاديمية تدريب كويسة او طبيب بيطرى او محل قريب منك و لقراءة المقالات السابقة و متابعة المقالات الجديدة برجاء التكرم بتحميل تطبيق  egypets من متجر جوجل او اب استور او لتحميله :

اضغط هنا

او من خلال موقعنا :

https://www.egypetsapp.com

#تطبيق_ايجى_بتس

#اليفك_بيحبك

#egy_pets

تطبيق كلاب وقطط فى مصر تطبيق تزاوج كلاب و قطط اول برنامج للحيوانات الاليفة فى مصر

تطبيق كلاب وقطط فى مصر -  تطبيق يساعد على تربية الكلاب -  تطبيق للحيوانات الاليفه فى مصر